Leiðrétting frá InDefence

Varðandi þessa frétt þá vil ég koma því á framfæri að eftir því sem við best vitum eru þrír en ekki fjórir stjórnarþingmenn búnir að skrá sig á listann hjá okkur og hafa staðfest það við okkur í síma.

4 stjórnarþingmenn skrifuðu undir

Athugasemdir

[Kolla (IP-tala skráð) 2.1.2010 kl. 16:20]

Takk fyrir að bregðast við þessu á þennan hátt, rétt skal vera rétt.

[Magnús Geir Guðmundsson, 2.1.2010 kl. 16:27]

Þetta er nú ljóti áróðursleikurinn, sem þó er vægt til orða klúðurslegur orðin!

Eru nöfn allra stjórnarandstæðinga á listanum?

Og jafnvel þótt sé, átta menn sig ekki á hve mikið rugl þetta er með "hugsanlegan meirihluta í raun" á alþingi og falsinu með þessa tillögu péturs blöndal með að flytja slíka tillögu um þjóðaratkvæði!?

Íslendingar eru netvæddasta þjóð heims líklega ásamt Finnum gæti ég trúað,hvað með þessi rúmu 76% sem ekki sáu ástæðu eftir allan þennan tíma að skrifa ekki á listan?

[Magnús Geir Guðmundsson, 2.1.2010 kl. 16:30]

...til orða tekið..

[Friðrik Hansen Guðmundsson, 2.1.2010 kl. 16:49]

Þú átt þakkir skyldar fyrir þinn þátt í þessari undirskriftarsöfnun.

[Jón Valur Jensson, 2.1.2010 kl. 17:18]

Magús Geir, það er vitað, að um 30% manna eru fylgjandi þessu skaðræðismáli Icesave-bandingjastjórnarinnar, en um 70% andvígir. Alls voru 227.896 kjósendur á kjörskrárstofni fyrir alþingiskosningar 25. apríl 2009, en rúmlega 61.000 eru komnir á undirskriftalista InDefence-hópsins, sem sé um 26,5% manna með kosningarétt sl. vor. Þá eiga um 43,5% manna eftir að skrifa sig á listann, en í þeim hópi er t.d. fjöldi aldraðra o.fl. sem ekki eru með tölvu.

Geturðu bent á árangursríkari undirskriftasöfnun? Þessi jafngildir því, að um 12 milljónir Breta og 3 milljónir Hollendinga hefðu skrifað undir.

Svo geta menn enn haldið áfram að skrifa undir, hér: Indefence.is!

[Hanna Friðriksdóttir (IP-tala skráð) 2.1.2010 kl. 21:09]

Hafa einhverjir þeirra sem skráðir hafa verið á listann að þeim forspurðum verið teknir út af listanum?

[Jón Ásgeir Bjarnason, 2.1.2010 kl. 22:51]

Þetta er alveg frábært hjá ykkur.

Auðvitað er þetta umdeilt mál.  Það er svo sem ekki skrýtið.  Þess vegna er alls ekki óeðlilegt að kjósa um það.

´´Eg gæti vel trúað að Ólafi R Grímss sé mikið í mun að vera minnst fyrir góða hluti.  Ef hann verður samkvæmur sjálfum sér í annars ágætri áramótaræðu skrifar hann ekki undir.

Þá verður hans minnst í sögubókunum vegna áhrifa hans til beinnar lýðræðisþróunar, og það verður ykkur mikið að þakka.

[Gunnlaugur B Ólafsson, 3.1.2010 kl. 01:53]

Auðvitað er 100% þjóðarinnar á móti því að taka á sig skuldir vegna Icesave og ábyrgðar á skuldum vegna tryggingasjóðs innistæðueigenda. En munum við fá að kjósa í þjóðaratkvæði hvort við tökum á okkur gjaldþrot seðlabankans upp á 300 milljarða og ýmislegt annað sem lendir nú á þjóðinni sem myndar þá heild sem að liggur í uppgjörspakka vegna hruns og græðgisvæðingar?

Auðvitað hafa hrunaflokkarnir, ótrúlegt en satt, enn umtalsvert fylgi í landinu. Þeir sem bæði bera stóra ábyrgð og hafa á fyrri stigum lýst yfir viljanum að endurgreiða útgjöld Breta og Hollendinga vegna tryggingasjóðsins á verri kjörum og styttri tíma. Þeir eru til í að gera hvað sem er til að spilla fyrir því að árangur náist af starfi fyrstu tveggja flokka vinstri stjórn í landinu. Skítt með þjóðarhag, ef þeir geta haldið hrokanum og endurheimt völdin.

Ég hef rætt við mjög marga sem að taka afstöðu án þess að hafa kynnt sér það nægjanlega eða byggja afstöðu sína á misskilningi. En hver er hinn möguleikinn hjá þeim sem ekki vilja fyrirliggjandi lagasetningu. ;

1) Láta fyrri lög standa. Taka að nýju upp samningaviðræður vegna lagasetningar sem sett var í sumar og halda áfram að þjarka um þetta við alþjóðasamfélagið, Breta og Hollendinga

2) Að fara til alþjóðlegra dómstóla. Íslensk stjórnvöld hafi í rúmt ár viðurkennt að þeim beri að endurgreiða útgjöld vegna tryggingasjóðs vegna falls hins íslenska banka. Þrátt fyrir að við höfum erfiðan málstað að verja vegna mismununar gagnvart sparífjáreigendum eftir þjóðerni. Íslenskir sparífjáreigendur fengu tap sitt að fullu greitt en síðan erum við ekki til í að tryggja lámarksupphæð ef að viðskiptavinirnir eru af öðru þjóðerni. Miklar líkur væru á að slík mismunun stæðist ekki og að inntak neyðarlaga yrði látið ná til allra viðskiptavina hins íslenska banka, Landsbankans.

3) Að stinga höfðinu í sandinn. Treyst verði á að þjóðir heims taki á endanum undir þann landlæga skilningur að við eigum bágt og að við séum fórnarlömb kúgunar af hálfu Evrópusambandsins og Alþjóða gjaldeyrissjóðsins. Að við trúum því að Sigurður Líndal og einhverjir íslenskir lagaspekúlantar komi okkur í gegnum skaflinn. Við séum mest og best. Engum háð. Að leiðari Financial Times í dag um að þvermóðska Íslendinga geti stuðlað að því að þjóðin einangrist frá alþjóðasamfélaginu.

Græðgisvæðingin þarf ekki að kosta okkur meira en að við færumst tilbaka efnahagslega um einn áratug. En ef til vill vilja sumir að hér verði bara gamla verstöðvarstemmingin. Síld og ullarvörur í staðinn fyrir bíla og olíu.

                                              Mbk, G

[Ólafur Kjaran Árnason, 3.1.2010 kl. 02:59]

Þessi undirskriftalisti er engan veginn nógu trúverðugur. Það er t.d. ekkert sem kemur í veg fyrir að nafn mitt geti verið á þessum lista án minnar vitundar og hvað þá samþykkis - ég má ekki einu sinni gá að því sjálfur. Lýðræði og svindl eru hlutir sem ómögulega má blanda saman og í þessu tilviki er það alltof auðvelt; það eina sem þarf er kennitala og nafn.

[Árni Viðar Björgvinsson, 3.1.2010 kl. 03:27]

Ólafur Kjaran: Þú ættir kannski að kynna þér málið aðeins áður en þú staðhæfir svona vitleysu. Auðvitað máttu skoða það sjálfur hvort þú ert á listanum, og biðja um að þú sért tekinn út sértu þar. Smelltu bara hér: http://www.indefence.is/?p=regcheck