Hvernig mun RÚV fjalla um þessa skýrslu? Verður gerð önnur árás á Ögmund?

 

Nú verður spennandi að fylgjast með hvernig RÚV mun fjalla um þetta álit bresku lögmannsstofunnar Miscon de Reya.

 

Það er annars orðið töluvert áhyggjuefni hve mikil pólitísk slagsíða er komin í fréttaflutning RÚV þegar rætt er um Icesave málið. Þessu er ekki lengur hægt að líta fram hjá. Síðusta augljósa dæmið er árásin á Ögmund í Kastljósinu sem var í stíl gulu pressunar í Bretlandi. Fréttin var engan veginn rökstudd og óheiðarlega fram sett í alla staði. Ekki er hægt að álykta annað en að á bak við þá frétt  hafi verið ásetningur um að sverta mannorð þingmanns sem hefur reynst ríkisstjórninni óþægilegur. Þingmanns sem þó er okkar fyrsti alþingismaður sem hefur sagt af sér ráðherradómi vegna sannfæringar sinnar.

Sannfæringar sem var þvert á vilja starfandi ríkisstjórnar.

 

Samningarnir hættulega óskýrir

Athugasemdir

[Sigurður Þórðarson, 21.12.2009 kl. 17:16]

Nákvæmlega rétt hjá þér. Stjórnvöld nota RUV  til áróðurs en samt með nævaþunnu hlutleysisyfirvarpi. Dæmi: RUV var með svokallaða "fræðsluþætti" um kosti þess og galla fyrir Ísland að ganga í Evrópusambandið. Til að útskýra sjávarútvegsstefnuna var kallaður til "hlutlaus fræðimaður" "lektor við Háskólann í Reykjavík" eins og hann var kynntur. RUV gætti þess að minnast ekki á að þessi maður hefur verið á launaskrá hjá Evrópusambandinu og var skipaður af Samfylkingunni í Evrópunefndina.  RUV gætti þess líka að engum gæfist kostur á að andmæla áróðrinum enda þurfti þess ekki þar sem þetta var "hlutlaus kynning". 

Má ég þá heldur biðja um Ómega og ÍNN